Paghawak sa Tamang Paraan

Credits

Di ko pa naranasan

ang humawak ng isang ibon,

subalit batid ko

na may tamang paraan.

Hawakan sya nang mahigpit

maaaring syang mamatay.

At kung labis na maluwag

huhulagpos sa kamay.

Nais kong itulad

ang ibon sa PAG-IBIG.

May sariling lipad...

Malayo ang nararating.

Kapag ibinigay, sapat na aruga

Mabubuhay nang matagal.

Pakpak ay papalaot at di mapapagal.